Արման Ծառուկյանը բարձրացել է P4P դասակարգման մեջ, Խամզաթ Չիմաևն էլ է հայտնվել լավագույն 15-ում
- Հեղինակ: Vahe Hakobyan
- Sportaran
Արման Ծառուկյանը բարձրացել է UFC-ի՝ քաշային կարգերից անկախ լավագույն մենամարտիկների դասակարգման մեջ (Pound-for-Pound)՝ զբաղեցնելով 14-րդ հորիզոնականը։ Խամզաթ Չիմաևը ևս ընդգրկվել է լավագույն 15-ում՝ զբաղեցնելով 15-րդ տեղը։
Այս փոփոխությունները հնարավոր դարձան Ջոն Ջոնսի՝ կարիերան ավարտելու մասին պաշտոնական հայտարարությունից հետո․ նրա անունը հանվել է դասակարգումից՝ տեղ տալով նոր մարզիկներին։
Հիշեցնենք, որ Արման Ծառուկյանը գլխավորում է UFC թեթև քաշային կարգի դասակարգումը, սակայն արդեն մեկուկես տարի չի մենամարտել։ Նա հայտավորված է որպես պահեստային մենամարտիկ՝ Իլյա Տոպուրիայի և Չարլզ Օլիվեյրայի միջև 29 հունիսին կայանալիք UFC 317 մրցաշարի տիտղոսային մենամարտի համար։ Եթե նրա մասնակցությունն անհրաժեշտ չլինի, Ծառուկյանի հաջորդ մրցակիցը հայտնի կդառնա միջոցառումից հետո։
Քննարկեք նորությունները!
Անցնել մեկնաբանություններին ↓
Comments
0