Արման Ծառուկյանը հաղթեց Մակաշարիպ Զայնուկովին Karate Combat 54-ում

UFC-ի թեթև քաշային կարգի վարկանիշային առաջին համարը՝ Արման Ծառուկյանը (22-3), գրպլինգի մենամարտում հաղթանակ տարավ PFL-ի մարտիկ և Իսլամ Մախաչևի թիմակից Մակաշարիպ Զայնուկովի (16-3) նկատմամբ։

Մենամարտը տեղի ունեցավ մայիսի 2-ին՝ Դուբայում՝ Karate Combat 54-ի շրջանակում։ Մենամարտը անցավ երկու ռաունդով և ավարտվեց Արման Ծառուկյանի միաձայն հաղթանակով։

Պայքարը զգուշավոր էր․ հիմնականում անցկացվեց կանգնած դիրքում, սակայն Արմանն առավել ակտիվ էր, վերահսկում էր մենամարտի ընթացքը, մի քանի տեյքդաուն իրականացրեց, ինչը և վճռեց արդյունքը։

Հաղթանակից հետո Ծառուկյանը շնորհակալություն հայտնեց աջակցության համար և նշեց, որ պատրաստ է կրկին մասնակցել Karate Combat-ի մրցաշարերին։ Նշենք, որ UFC-ի մարտիկները կարող են մասնակցել միայն գրպլինգի մենամարտերին այլ լիգաներում։

Մենամարտի ամբողջական տեսագրությունը՝ մեր Telegram ալիքում։