Արցախը Օլիմպիադայում․ հայկական զույգը հանդես կգա Արա Գևորգյանի խորհրդանշական ստեղծագործության ներքո

Հայկական սպորտային զույգ Կարինա Հակոբովա / Նիկիտա Ռախմանինը հանդես կգա 2026 թվականի Միլան-Կորտինա Ձմեռային Օլիմպիական խաղերում՝ կարճ ծրագրով Արա Գևորգյանի «Արցախ» ստեղծագործության ներքո։

Հենց այս ծրագրով զույգը նվաճեց Հայաստանի ներկայացուցչելու իրավունքը՝ Պեկինում կայացած ISU To Milano որակավորման մրցաշարում ստանալով արծաթե մեդալներ։ Նրանք ոչինչ չփոխեցին. «Արցախը» պարզապես երաժշտություն չէ, այլ հզոր մշակութային ուղերձ։ Ըստ երկրպագուների՝ «փշաքաղվելու են բոլոր հայերը» փետրվարի 15-ին, երբ զույգը կմասնակցի Հայաստանի Օլիմպիական նորամուտին։

Արծաթը Պեկինում՝ ուղեգիր Միլան

Զույգը ցույց տվեց բացառիկ արդյունք․

Վերջնական աղյուսակ (զույգերով գեղասահք)

1. Չինաստան – Ցզյասյուան Չժան / Իհան Հուան – 191.52

2. Հայաստան – Կարինա Հակոբովա / Նիկիտա Ռախմանին – 186.84

3. Ճապոնիա – Յունա Նագատո / Սումիտադա Մորիգուչի – 178.66

Հայաստանի համար սա պատմական ձեռքբերում է․ մինչև այժմ երկիրը զույգերով գեղասահքի օլիմպիական քվոտա է ստացել ընդամենը երկու անգամ՝ 1998 և 2002 թվականներին։

Նոր դեմքեր՝ նոր դրոշի ներքո

Կարինա Հակոբովան և Նիկիտա Ռախմանինը, նախկինում հանդես եկած Ռուսաստանի կազմում, 2025 թվականի ամռանը փոխեցին մարզական քաղաքացիությունը և այժմ պաշտոնապես ներկայացնում են Հայաստանին։ Միլանում նրանք կլինեն օլիմպիական խաղերում Հայաստանի դրոշակակիրները և հինգ հայ մարզիկներից երկուսը։

Իրենց ծրագրի ընտրությունը նաև գեղարվեստական հայտարարություն է և ազգային ժեստ՝ ընդգծելով սպորտի, արվեստի և պատմության կապը։

Օլիմպիական կարևոր ամսաթիվ հայ երկրպագուների համար՝ փետրվարի 15։

2026 թվականի Ձմեռային Օլիմպիական խաղերում հայ մարզիկների ելույթների ժամանակացույցը։