«Արարատ-Արմենիան» դուրս եկավ Հայաստանի գավաթի կիսաեզրափակիչ

«Արարատ-Արմենիան» վստահ հաղթահարեց Հայաստանի գավաթի 2025/26 մրցաշրջանի քառորդ եզրափակիչ փուլը։ Պատասխան խաղում թիմը 2:0 հաշվով հաղթեց «Շիրակին» և երկու խաղերի ընդհանուր արդյունքում (3:0) անցավ մրցաշարի հաջորդ փուլ։

Հաղթողների կազմում գոլերով աչքի ընկան Պոլ Այոնգոն և Վելտոնը։ Գոլային փոխանցումներ կատարեցին Էդգար Գրիգորյանը և Կարեն Մուրադյանը։

Այսպիսով, Մանուել Տուլիպայի գլխավորած թիմը դուրս եկավ ազգային գավաթի կիսաեզրափակիչ։

Հայաստանի գավաթի 2025/26 կիսաեզրափակչի մասնակիցները՝
Արարատ-Արմենիա
Նոա
Ուրարտու
Անդրանիկ

Կիսաեզրափակիչ հանդիպումները խոստանում են լինել լարված՝ հաշվի առնելով գլխավոր մրցանակը՝ Կոնֆերենցիաների լիգայի որակավորման երկրորդ փուլի ուղեգիրը։