«Արարատ-Արմենիա»-ն Պրահայում հանդիպել է հայկական համայնքի և Կասպարովի հետ

Եվրոպայի կոնֆերենս լիգայի որակավորման երրորդ փուլի «Սպարտա» — «Արարատ-Արմենիա» հանդիպումից առաջ Պրահայում կայացավ ջերմ հանդիպում՝ հայկական ակումբի ներկայացուցիչների և տեղի հայկական համայնքի մասնակցությամբ։

Հանդիպմանը ներկա էին «Արարատ-Արմենիա» ակումբի գլխավոր տնօրեն Պողոս Գալստյանը, ALFA երկրպագուների շարժման ներկայացուցիչներ, ինչպես նաև բազմաթիվ երկրպագուներ և սփյուռքի անդամներ։ Հատուկ ուշադրության արժանացավ Հայաստանի ազգային հավաքականի նախկին դարպասապահ Գևորգ Կասպարովի ներկայությունը, ով հանդիպմանը մասնակցեց իր որդու՝ Ավետ Կասպարովի հետ։ 18-ամյա ֆուտբոլիստը հանդես է գալիս Սլովան Լիբերեց U19 թիմում՝ Պրահայի «Սպարտա»-ից վարձավճարով։

Նմանատիպ հանդիպումները դարձել են «Արարատ-Արմենիայի» լավ ավանդույթ, որոնք ընդգծում են ակումբի կապը հայկական երկրպագուների հետ ամբողջ աշխարհում։

«Սպարտա» — «Արարատ-Արմենիա» հանդիպումը կկայանա օգոստոսի 7-ին Պրահայում՝ 2025/26 մրցաշրջանի Եվրոպայի կոնֆերենս լիգայի երրորդ որակավորման փուլի շրջանակում։