«Արարատ-Արմենիա»-ն ջախջախեց «Գանձասար»-ին և պահպանեց չեմպիոնության հույսերը

Հայաստանի Պրեմիեր Լիգայի 28-րդ տուրում «Արարատ-Արմենիա»-ն վստահ հաղթանակ տարավ «Գանձասար»-ի նկատմամբ՝ 4:0 հաշվով՝ պահպանելով տեսական շանսերը չեմպիոնության համար։ Վարդան Մինասյանի գլխավորած թիմը շարունակում է հետապնդել մրցաշարային աղյուսակի առաջատար «Նոա»-ին՝ 10 միավորով հետ մնալով նրանից։ Եթե «Արարատ-Արմենիա»-ն այս խաղում պարտություն կրեր, ապա «Նոա»-ն վաղաժամ կապահովեր իր չեմպիոնությունը, սակայն ինտրիգը դեռ պահպանվում է։

Հաշիվը բացեց թիմի ավագ Արմեն Համբարձումյանը՝ օգտվելով Ժիրայր Շաղոյանի հստակ փոխանցումից։ Չնայած ակնհայտ առավելությանը, երկրորդ գնդակը երկրպագուները երկար սպասեցին՝ միայն Տենտոն Յեննեի դաշտ դուրս գալուց հետո թիմը սկսեց ավելի վտանգավոր հարձակումներ իրականացնել։ Յեննեն ձևակերպեց դուբլ և դարձավ խաղի առանցքային հերոսներից մեկը։ Եվս մեկ գնդակ խփեց թիմի լավագույն ռմբարկու Մարիուս Նուբիսսին։

Ասիստներով աչքի ընկան նաև Հայաստանի հավաքականի պաշտպաններ Էդգար Գրիգորյանը և Կամո Հովհաննիսյանը։