«Արարատ-Արմենիան» երկարաձգել է պայմանագրերը մի շարք ֆուտբոլիստների հետ

Երևանի «Արարատ-Արմենիան» հայտարարել է թիմի մի քանի առանցքային ֆուտբոլիստների հետ պայմանագրերի երկարաձգման մասին։ Ակումբում իրենց ելույթները կշարունակեն Հայաստանի ազգային հավաքականի ֆուտբոլիստներ Կարեն Մուրադյանը, Կամո Հովհաննիսյանը և Էդգար Գրիգորյանը, ինչպես նաև թիմի ավագ Արմեն Ամբարձումյանը։

Նոր պայմանագրերի մանրամասները, այդ թվում՝ դրանց ժամկետները, ակումբում չեն հրապարակվել։

Հիշեցնենք, որ մրցաշրջանի առաջին կեսի արդյունքներով «Արարատ-Արմենիան» զբաղեցնում է Հայաստանի առաջնության մրցաշարային աղյուսակի առաջին հորիզոնականը։