«Արարատ-Արմենիա»-ն ստորագրել է պայմանագիր պորտուգալացի դարպասապահի հետ

«Արարատ-Արմենիա» ֆուտբոլային ակումբը պաշտոնապես հայտարարել է 33-ամյա պորտուգալացի դարպասապահ Բրունու Պինտուի հետ պայմանագիր ստորագրելու մասին։ Փորձառու դարպասապահի համար հայկական թիմը կդառնա առաջին արտասահմանյան ակումբը կարիերայում։

Ավելի վաղ Պինտուն հանդես է եկել բացառապես հայրենիքում, իսկ նրա վերջին ակումբը եղել է Պորտուգալիայի երկրորդ լիգան ներկայացնող «Ֆելգեյրաշ»-ը։ Transfermarkt-ի տվյալներով՝ ֆուտբոլիստի շուկայական արժեքը կազմում է 125 հազար եվրո։

Սա «Արարատ-Արմենիա»-ի արդեն երրորդ ուժեղացումն է ամառային տրանսֆերային պատուհանի ընթացքում․ նախկինում ակումբը պայմանագիր էր կնքել հարձակվող Պոլ Այոնգոյի և պաշտպան Ալեքսանդրոս Մալիսի հետ։