«Արարատ-Արմենիա»-ն և «Նոա»-ն խաղացին ոչ-ոքի՝ երեք հեռացմամբ

«Արարատ-Արմենիա»-ն և «Նոա»-ն անցկացրին տպավորիչ հանդիպում՝ չորս գոլով և երեք հեռացմամբ՝ Հայաստանի Պրեմիեր լիգայի 7-րդ տուրում։

Արդեն 7-րդ րոպեին «Արարատ-Արմենիա»-ն մնաց թվաքանակով պակաս՝ Վելտոնի հեռացումից հետո։ Շուտով Նարդին Մուլահուսեյնովիչը բացեց հաշիվը, սակայն Թյուլիպայի թիմին հաջողվեց հավասարեցնել՝ մրցակցի առավելության պայմաններում. իր առաջին գոլը «Արարատ-Արմենիա»-ի կազմում խփեց պորտուգալացի պաշտպան Ուգո Օլիվեյրան։

51-րդ րոպեին Նարդին Մուլահուսեյնովիչը ձևակերպեց դուբլ և կրկին առաջ մղեց «Նոա»-ին։

66-րդ րոպեին մրցավարը հեռացրեց Մարին Յակոլիշին, և հավասար կազմերով խաղում Արթուր Սերոբյանը խփեց իր առաջին գոլը «Արարատ-Արմենիա» վերադարձից հետո։

Վերջին հեռացումը տեղի ունեցավ 88-րդ րոպեին․ Վիրջիլ Պինսոնը թողեց «Նոա»-ին ինն հոգով, բայց հաշիվն այլևս չփոխվեց — 2:2։

Այսպիսով, հաջորդ տուրում «Վան»-ի դեմ հանդիպմանը «Նոա»-ի գլխավոր մարզիչ Սանդրո Պերկովիչը չի կարողանա վստահել թիմի երկու ձախ վինգերներին՝ Յակոլիշին և Պինսոնին, ովքեր որակազրկված են։