Անգլիացի մրցավարների բրիգադը կսպասարկի Հայաստան – Պորտուգալիա հանդիպումը

Հայտնի է դարձել մրցավարների կազմը, որը կսպասարկի 2026 թ․ աշխարհի առաջնության ընտրական փուլի F խմբի առաջին տուրի Հայաստան – Պորտուգալիա հանդիպումը։ Խաղը կկայանա սեպտեմբերի 6-ին Երևանում և կմեկնարկի տեղական ժամանակով 20:00-ին։

Խաղում կիրառվելու է նաև VAR համակարգը։

• Գլխավոր մրցավար․ Էնթոնի Թեյլոր (Անգլիա)

• Օժանդակ մրցավարներ․ Գարի Բեսվիկ (Անգլիա), Ադամ Նան (Անգլիա)

• VAR մրցավար․ Փիթեր Բանքես (Անգլիա)

• VAR օգնական․ Ստյուարտ Աթվել (Անգլիա)

• Պահեստային մրցավար․ Ռոբերտ Ջոնս (Անգլիա)

Այս մրցաշրջանում Էնթոնի Թեյլորը արդեն սպասարկել է Անգլիայի Պրեմիեր լիգայի երեք հանդիպում, ինչպես նաև Չեմպիոնների լիգայի որակավորման հանդիպում «Բազել» – «Կոպենհագեն»։

Բացի այդ, այս տարի նա արդեն սպասարկել է Հայաստանի ազգային թիմի մասնակցությամբ խաղ․ Թեյլորը գլխավոր մրցավարն էր Թբիլիսիում կայացած Վրաստան – Հայաստան (6:1) հանդիպմանը։