Ամիրրեզա Մասումին ընտրե՞ց Ադրբեջանը՝ Հայաստանի փոխարեն։ Նոր լուսանկարներ և հրաժեշտի ազդակ Իրանին
- Հեղինակ: Vahe Hakobyan
- Sportaran
լուսանկարներ և հրաժեշտի ազդակ Իրանին
Աշխարհի ամենահեռանկարային սուպերմեծ քաշային ըմբիշներից մեկի՝ իրանցի Ամիրրեզա Մասումիի ճակատագիրը կարծես հստակեցվում է։ Երևանում անցկացված բանակցություններից և Հայաստանի հավաքականում հանդես գալու մասին լուրերից հետո 20-ամյա մարզիկը հայտնվել է Բաքվում՝ և, դատելով ամենից, հենց Ադրբեջանն է դառնալու նրա նոր մարզական հայրենիքը։
Մասումիի անձնական էջում հրապարակվել են լուսանկարներ, նախ՝ Երևանից, ապա՝ Բաքվից։ Հետագայում համացանցում հայտնվել է նաև Մասումիի մարզման կադրը՝ արդեն Ադրբեջանի հավաքականի ճամբարում։ Սա առաջին ուղիղ ապացույցն էր, որ բանակցությունները ադրբեջանական կողմի հետ բավական առաջ են ընթացել։
Եվս մեկ կարևոր ազդակ է Իրանի հավաքականի բժշկի հրաժեշտի խոսքերը, ով Մասումիին հաջողություն է մաղթել նոր երկրում։ Սա փաստում է, որ մարզական քաղաքացիությունը փոխելու որոշումը գրեթե կայացված է, և մնում են միայն պաշտոնական ձևականությունները։
Այսպիսով, ամենայն հավանականությամբ, Ադրբեջանն է հաղթել սուպերմեծ քաշային երիտասարդ աստղի համար պայքարում։ Նշենք, որ նախկինում որպես գլխավոր հավակնորդ էր նշվում նաև Հայաստանը, որտեղ ըմբիշը բանակցել էր տեղական ֆեդերացիայի հետ։
Սակայն սպասում ենք պաշտոնական հաստատմանը։ Հնարավոր է՝ Մասումին պարզապես այցելել է մարզում։
Քննարկեք նորությունները!
Անցնել մեկնաբանություններին ↓
Comments
0