Ալեքսանդրա Գրիգորյանը՝ ծանրամարտի Եվրոպայի 2025 թվականի առաջնության արծաթե մեդալակիր
Քիշինևում ընթացող ծանրամարտի Եվրոպայի առաջնությունում 19-ամյա հայ մարզուհի Ալեքսանդրա Գրիգորյանը արծաթե մեդալ է նվաճել մինչև 55 կգ քաշային կարգում։ Նա ռնքում զբաղեցրել է վեցերորդ հորիզոնականը, սակայն հետագայում կարողացել է վերականգնել կորցրածը՝ նվաճելով փոքր ոսկե մեդալը հրումում և ընդհանուր արդյունքով (202 կգ՝ 85+117) գրավելով երկրորդ տեղը։
Ոսկու համար պայքարը շարունակվել է մինչև վերջին մոտեցումը։ Որպեսզի գերազանցեր ֆրանսուհի Գարանս Ռիգոյին և բարձրանար պատվո հարթակի առաջին աստիճանին, Գրիգորյանը պետք է հրումում ֆիքսեր 121 կգ՝ դա կդառնար Եվրոպայի նոր ռեկորդ։ Սակայն Ալեքսանդրան երկու անգամ չկարողացավ հաղթահարել այդ քաշը և ի վերջո զբաղեցրեց երկրորդ տեղը՝ ընդամենը երեք կիլոգրամով զիջելով հաղթողին։
Նույն քաշային կարգում հանդես եկող Հայաստանի մեկ այլ ներկայացուցիչ Իզաբելլա Յայլյանը 193 կգ արդյունքով գրավել է 6-րդ հորիզոնականը։
Մինչև 55 կգ քաշային կարգի արդյունքները (կանայք)՝
-
Գարանս Ռիգո (Ֆրանսիա) — 205 կգ (92+113)
-
Ալեքսանդրա Գրիգորյան (Հայաստան) — 202 կգ (85+117)
-
Օլգա Իվժենկո (Ուկրաինա) — 201 կգ (92+108)
Գրիգորյանի համար սա Եվրոպայի առաջնությունում երկրորդ անընդմեջ մեդալն է։ 2024 թվականին նա դարձել էր ոսկե մեդալակիր և ճանաչվել լավագույն երիտասարդ ծանրամարտիկ։
Քննարկեք նորությունները!
Անցնել մեկնաբանություններին ↓
Comments
0