Ալեքսանդրա Գրիգորյանը հավակնում է «AIPS Եվրոպայի լավագույն ծանրամարտիկ 2024» մրցանակին

19-ամյա հայ ծանրամարտիկ Ալեքսանդրա Գրիգորյանը ընդգրկվել է «AIPS Եվրոպայի լավագույն ծանրամարտիկ 2024» մրցանակի հավակնորդների թվում։ 2024 թվականին նա դարձել է մեծահասակների Եվրոպայի չեմպիոն, մեծահասակների աշխարհի առաջնության բրոնզե մեդալակիր, ինչպես նաև երիտասարդների Եվրոպայի առաջնության հաղթող։

Այսպիսով, Ալեքսանդրան AIPS-ի երկու անվանակարգում է ներկայացված։ Նախկինում նա նաև առաջադրվել էր «Եվրոպայի լավագույն երիտասարդ ծանրամարտիկ 2024» մրցանակի համար։

Մրցանակաբաշխությունը կկայանա 2025 թվականի ապրիլի 13-ին Մոլդովայի մայրաքաղաք Քիշնևում՝ ծանրամարտի Եվրոպայի առաջնության բացման արարողության շրջանակում։

«AIPS Եվրոպայի լավագույն ծանրամարտիկ 2024» մրցանակի հավակնորդներ

• Ջանսու Բեքթաշ (Թուրքիա)

• Միխայլա Կամբեյ (Ռումինիա)

• Էմիլի Քեմփբել (Մեծ Բրիտանիա)

• Մարի Ժոզեֆ Ֆեգուե (Ֆրանսիա)

• Մարտա Գարսիա (Իսպանիա)

• Ալեքսանդրա Գրիգորյան (Հայաստան)

• Սոլֆրիդ Կոանդա (Նորվեգիա)

• Կամիլա Կոնոտոպ (Ուկրաինա)

• Էյգլո Ֆաննդալ Ստուրլուդոտտիր (Իսլանդիա)

• Վերոնիկա Զելինսկա (Լեհաստան)