Ալեքսանդրա Գրիգորյանը և Տիգրան Կարապետյանը՝ Եվրոպայի երիտասարդական առաջնության լավագույն ծանրորդներ

Հայաստանի հավաքականը փայլուն ելույթ է ունեցել 2025 թվականի ծանրամարտի Եվրոպայի երիտասարդական առաջնությունում (U20 և U23), որն ավարտվել է նոյեմբերի 4-ին Դուրրեսում (Ալբանիա): Ըստ մրցումների արդյունքների՝ U20 տարիքային խմբում լավագույն մարզիկներ են ճանաչվել Հայաստանի ներկայացուցիչներ Ալեքսանդրա Գրիգորյանը և Տիգրան Կարապետյանը։

U20 խմբում հաղթողները որոշվել են Robi Points համակարգով, որը հաշվի է առնում բարձրացված քաշը՝ համապատասխան քաշային կարգի աշխարհային ռեկորդի համեմատությամբ։

Կանայք U20

1. Ալեքսանդրա Գրիգորյան (Հայաստան, 58 կգ) — 732.7

2. Ժանետտ Իլիսոինի (Ֆինլանդիա, 77 կգ) — 680.3

3. Էնկիլեդա Կարյա (Ալբանիա, 63 կգ) — 649.2

Տասնյակում տեղ է գրավել նաև Էմմա Պողոսյանը (Հայաստան, 86 կգ)՝ 547.0, զբաղեցնելով 9-րդ տեղը։

Տղամարդիկ U20

1. Տիգրան Կարապետյան (Հայաստան, 71 կգ) — 826.1

2. Ռավին Ալմամմադով (Ադրբեջան, 79 կգ) — 819.5

3. Նարեկ Մկրտչյան (Հայաստան, 79 կգ) — 803.6

4. Նարեկ Գրիգորյան (Հայաստան, 71 կգ) — 800.7

U23 խմբում հաղթողները որոշվել են Sinclair համակարգով, որտեղ հաշվի է առնվում մարզիկի սեփական քաշը։ Կանանց պայքարում Հայաստանի ներկայացուցիչները լավագույնների մեջ չտեղավորվեցին, սակայն տղամարդկանց խմբում Գոր Սահակյանը (71 կգ) դարձավ բրոնզե մեդալակիր՝ 448.99, իսկ Գարիկ Կարապետյանը (110 կգ) զբաղեցրեց 4-րդ տեղը՝ 441.75։

Կանայք U23

1. Միխայելա Կամբեյ (Ռումինիա, 53 կգ) — 313.97

2. Օլգա Իվժենկո (Ուկրաինա, 58 կգ) — 291.31

3. Դիանա Մաիսևիչ (Բելառուս, 63 կգ) — 288.78

Տղամարդիկ U23

1. Յուսուֆ Գենչ (Թուրքիա, 71 կգ) — 466.84

2. Եգոր Պոպով (Բելառուս, 71 կգ) — 459.67

3. Գոր Սահակյան (Հայաստան, 71 կգ) — 448.99

4. Գարիկ Կարապետյան (Հայաստան, 110 կգ) — 441.75

Նշենք, որ անցյալ տարի ևս U20 լավագույն մարզիկներ էին ճանաչվել հայ ծանրորդներ Ալեքսանդրա Գրիգորյանը և Նարեկ Մկրտչյանը։

Հայաստանի հավաքականը դարձավ առաջնության ամենահաջողված թիմը՝ նվաճելով ամենաշատ մեդալները․

• «Մեծ» մեդալներով (երկամարտի գումարում): 7 ոսկի, 3 արծաթ, 3 բրոնզ

• Ընդհանուր մեդալային հաշվարկով (ներառյալ փոքր և մեծ մեդալները): 20 ոսկի, 10 արծաթ, 9 բրոնզ
  Երկրորդ տեղում Տուրսիան էր։