Ալեքս Մարգարյանը կիսաեզրափակիչում է, ևս երկու հայ ըմբիշներ պայքարում են մեդալների համար

Օգոստոսի 23-ին Բուլղարիայում մեկնարկեց հունահռոմեական ըմբշամարտի երիտասարդների աշխարհի առաջնությունը, որտեղ վերջին չորս հայ ըմբիշները դուրս եկան գորգ:

63 կգ քաշային Ալեքս Մարգարյանը ցուցադրեց տպավորիչ ու գեղեցիկ պայքար և հասավ մրցաշարի կիսաեզրափակիչ: Նա երկու ժամանակից շուտ հաղթանակ տարավ Չինաստանի և ԱՄՆ-ի ներկայացուցիչների նկատմամբ, իսկ քառորդ եզրափակչում 9:5 հաշվով առավելության հասավ Իրանի Մոհամմադ Աբութալեբիի նկատմամբ: Այսօր կիսաեզրափակչում Մարգարյանը մրցելու է բուլղարացի Կրիստիան Միլենկովի հետ:

77 կգ քաշային Սամվել Տերտերյանը նույնպես վստահ հանդես եկավ։ Առաջին գոտեմարտում նա հաղթեց Եվրոպայի U20 փոխչեմպիոն, ադրբեջանցի Դավուդ Մամմադովին, ապա ժամանակից շուտ առավելության հասավ Իսրայելի ներկայացուցիչի նկատմամբ։ Սակայն քառորդ եզրափակչում Տերտերյանը 1:3 հաշվով զիջեց աշխարհի U20 և U17 չեմպիոն Զաուր Բեսլեկոևին։ Մեծ հավանականությամբ Սամվելը հնարավորություն կունենա պայքարելու բրոնզե մեդալի համար՝ մաքսիմումի դեպքում՝ եթե Բեսլեկոևը հասնի եզրափակիչ:

87 կգ քաշային Էրիկ Տեր-Մաթևոսյանը վստահ հաղթանակով (9:0) սկսեց Ղրղզստանի ներկայացուցչի նկատմամբ, սակայն քառորդ եզրափակչում հավասար պայքարում 2:2 հաշվով (տեխնիկական առավելության պատճառով) զիջեց Եվրոպայի U20 գործող չեմպիոն, վրացի Լուկա Կոչալիձեին։ Էրիկն էլ շարունակում է պահպանել հնարավորություն մխիթարական գոտեմարտերին մասնակցելու:

Կիսաեզրափակիչները կկայանան այսօր՝ ժամը 18:00-ին, Երևանի ժամանակով։ Հիշեցնենք, որ այսօր եզրափակչում հանդես է գալու նաև Գասպար Տերտերյանը (72 կգ)՝ Սամվելի եղբայրը։

Տեսահաղորդումը՝ մեր Sportaran Telegram ալիքում։