Հայկ Մնացականյանը կրկին դարձել է Բուլղարիայի հունահռոմեական ոճի ըմբշամարտի չեմպիոն

Հայ ըմբիշ Հայկ Մնացականյանը հերթական հաղթանակը տարավ ազգային մակարդակում՝ նվաճելով ոսկե մեդալ Բուլղարիայի 2026 թվականի հունահռոմեական ոճի ըմբշամարտի առաջնությունում մինչև 82 կգ քաշային կարգում։

Եզրափակիչ գոտեմարտում Մնացականյանը վստահ հաղթանակ տարավ Սվետոսլավ Նիկոլովի նկատմամբ՝ 9:1 հաշվով։ Այս քաշային կարգում հանդես եկավ 26 ըմբիշ, Հայկն անցկացրեց հինգ գոտեմարտ, որոնցից չորսը ավարտեց ժամանակից շուտ՝ ցուցադրելով բարձր պատրաստվածություն և գերազանցություն մրցակիցների նկատմամբ։

Նշենք, որ այս առաջնությանը չեն մասնակցել հայտնի բուլղարացի ըմբիշներ՝ Էդմոնդ և Գրիշա Նազարյան եղբայրները՝ լեգենդար երկակի օլիմպիական չեմպիոն Արմեն Նազարյանի որդիները։

2026 թվականի Բուլղարիայի հունահռոմեական ոճի ըմբշամարտի չեմպիոնները՝
55 կգ – Ստեֆան Գրիգորով
60 կգ – Նեդյալկո Պետրով
63 կգ – Նիկոլայ Վիչև
67 կգ – Աբու Մուսլիմ Ամաև
72 կգ – Դիմիտար Գեորգիև
77 կգ – Ստոյան Կուբատով
82 կգ – Հայկ Մնացականյան
87 կգ – Սեմյոն Նովիկով
97 կգ – Կիրիլ Միլով
130 կգ – Յոան Դիմիտրով