18-ամյա Էրիկ Դավիդյանը խաղաց Դավիդ Լուիսի թիմի դեմ Կիպրոսում
- Հեղինակ: Vahe Hakobyan
- Sportaran
18-ամյա հայ ֆուտբոլիստ Էրիկ Դավիդյանը հերթական խաղն անցկացրեց Կիպրոսի առաջնությունում հանդես եկող «Կրասավա» ակումբի կազմում՝ մասնակցելով երկրի գործող չեմպիոն «Պաֆոսի» դեմ կայացած 12-րդ տուրի հանդիպմանը։
Երիտասարդ վինգերը դաշտ մտավ 72-րդ րոպեին․ դա նրա ընդամենը երրորդ հանդիպումն էր այս մրցաշրջանում։ Դավիդյանը «Կրասավա» էր տեղափոխվել 2025 թվականի սեպտեմբերին՝ ֆինական «Հոնկայից» և շարունակում է աստիճանաբար հարմարվել մեծերի ֆուտբոլին։
Դրամատիկական պայքարում «Կրասավան» 2:3 հաշվով պարտվեց «Պաֆոսին»․ հյուրերը հաղթական գոլը խփեցին 95-րդ րոպեին՝ երեք միավորը պոկելով վերջնամասում։
Առանձին ուշադրության էր արժանի Կիպրոսի առաջնության աստղը՝ հայտնի բրազիլացի պաշտպան Դավիդ Լուիզը, ով խաղում էր «Պաֆոսի» կազմում։ Հանդիպումից հետո Դավիդյանը նրա հետ համատեղ լուսանկար է արել։
Մի քանի օր առաջ 38-ամյա Դավիդ Լուիզը աչքի էր ընկել Չեմպիոնների լիգայի խաղում «Մոնակոյի» դեմ (2:2)՝ դառնալով մրցաշարի պատմության երկրորդ ամենատարեց գոլի հեղինակը դաշտային խաղացողների շրջանում՝ լեգենդար Պեպեից հետո։
Քննարկեք նորությունները!
Անցնել մեկնաբանություններին ↓
Comments
0