Հայաստանի Առաջին լիգային մասնակցելու արտոնագրի հայտ է ներկայացրել 10 ակումբ

Ապրիլի 23-ին ՀՖՖ գրասենյակում տեղի ունեցավ սեմինար-հանդիպում, որը կազմակերպվել էր ՀՖՖ արտոնագրման բաժնի կողմից՝ մասնակցությամբ Առաջին խմբի առաջնության արտոնագրման թեկնածու ակումբների արտոնագրման պատասխանատուների։ Սեմինարը վարում էր ՀՖՖ արտոնագրման բաժնի պետ Վահան Բերակչյանը։

2025/2026թթ․ մրցաշրջանի Առաջին խմբի առաջնությանը մասնակցելու արտոնագիր ստանալու համար հայտ են ներկայացրել 10 ակումբներ՝ «ՍԱ Միկա», «Նիկարմ ՖԱ», «Անդրանիկ ՖԱ», «Բենտոնիտ ՖԱ», «Լեռնային Արցախ ՖԱ», «Օլիմպիա ՖԱ», «Սարդարապատ ՖԱ», «Արարատի Արաքս ՖԱ», «Հայք ՖԱ», «Դովեղ ՖԱ»։

Մարզական որակավորում ձեռք բերելու դեպքում արտոնագրի ստացումը ակումբներին կտրամադրի իրավունք մասնակցելու ՀՀ Առաջին խմբի առաջնությանը՝ 2025/2026թթ․ մրցաշրջանում։

Հանդիպման ընթացքում ակումբների ներկայացուցիչները ծանոթացան նախորդ մրցաշրջանի համեմատ արտոնագրման չափանիշներում տեղի ունեցած բոլոր փոփոխություններին։ Հիմք ընդունելով ներկայացված փաստաթղթերը՝ մայիսի 30-ին ՀՖՖ Ակումբների արտոնագրման կոմիտեն կքննարկի թեկնածու ակումբներին արտոնագրեր շնորհելու հարցը։